ច្បាប់បញ្ញត្តិឥស្លាមមិនបានទុកចោលកិច្ចការណាមួយដែលជនមូស្លីមត្រូវប្រឈមនោះទេ លើកលែងតែបានដាក់ចេញនូវសុជីវធម៌ និងគោលការណ៍ជាច្រើនសម្រាប់កិច្ចការនោះ ហើយក្នុងចំណោមកិច្ចការទាំងនោះ គឺសុជីវធម៌ដែលទាក់ទង់នឹងការបន្ទោបង់។ នៅក្នុងមេរៀននេះ អ្នកនឹងសិក្សាអំពីសុជីវធម៌ក្នុងការបន្ទោបង់ និងការសម្អាតក្រោយពេលបន្ទោបង់រួច ប្រភេទនៃភាពកខ្វក់អរូបី(ហាហ្ទាស) និងការសម្អាតសម្រាប់ប្រភេទនៃភាពកខ្វក់នីមួយៗ។
- ដឹងអំពីសុជីវធម៌នៃការបន្ទោបង់ និងការសម្អាតក្រោយពេលបន្ទោបង់រួច
- ដឹងអំពីប្រភេទនៃហាហ្ទាស(ភាពកខ្វក់អរូបី)
- ដឹងពីរបៀបនៃការជម្រះសំអាតអំពីហាហ្ទាស(ភាពកខ្វក់អរូបី)
សុជីវធម៌ក្នុងការបន្ទោបង់
នៅពេលដែលគេចង់ចូលបន្ទប់ទឹក ស៊ូណិតឲ្យគេឈានជើងឆ្វេងចូលមុន ហើយសូត្រថា៖ "بسم الله، اللهم إني أعوذ بك من الخبث والخبائث"
ចូរស្ដាប់នូវទូអាចូលបន្ទប់ទឹក
ត្រូវឈានជើងស្ដាំមកមុន ហើយសូត្រថា៖ "غفرانك"
គេហាមឃាត់អំពីការបន្ទោបង់ដាក់ក្នុងរន្ធដី(ឬក្រហែងដី) ព្រោះអាចមានសត្វនៅក្នុងនោះដែលអាចរំខានដល់វា ឬក៏វាអាចបង្កឲ្យមានគ្រោះថ្នាក់ដល់គេវិញ។
មិនគប្បីបែរមុខ ឬបែរខ្នងដាក់ទិសគិបឡាត់ឡើយនៅពេលបន្ទោបង់។ រីឯប្រសិនបើគេបន្ទោបង់នៅទីវាល ឬកន្លែងដែលគ្មានជញ្ជាំងបិទបាំងទេនោះ គឺមិនត្រូវធ្វើដូច្នោះតែម្តង ដោយយោងតាមប្រសាសន៍របស់ព្យាការី ﷺ ដែលលោកបានមានប្រសាសន៍ថា៖ “នៅពេលដែលពួកអ្នកបន្ទោបង់ ចូរពួកអ្នកកុំបែរមុខទៅកាន់គិបឡាត់ និងកុំបែរខ្នងដាក់គិបឡាត់ពេលបត់ជើងតូច និងពេលបត់ជើងធំ”។ (ពូខរី៖៣៩៤, មូស្លីម៖២៦៤)
នៅពេលបន្ទោបង់រួច គេអាចសម្អាតដោយប្រើរបៀបមួយណាក៏បានក្នុងចំណោមរបៀបពីរខាងក្រោម៖
- សម្អាតដោយទឹក
- សម្អាតដោយដុំថ្ម ឬក្រដាស
ការសម្អាតដោយទឹក
គឺជាការសម្អាតទ្វារមុខ និងទ្វារក្រោយ(ប្រដាប់ភេទ និងរន្ធគូទ)ដោយប្រើទឹក។
ការសម្អាតដោយដុំថ្ម ឬក្រដាស
គឺជាការសម្អាតទ្វារមុខ និងទ្វារក្រោយ(ប្រដាប់ភេទ និងរន្ធគូទ)ចំនួនបីដង ឬច្រើនជាងនេះដោយប្រើក្រដាស ឬដុំថ្ម ឬអ្វីផ្សេងទៀតដែលអាចសម្អាតបានស្អាតអំពីភាពកខ្វក់នោះបាន។
ហាហ្ទាស
គឺជាភាពកខ្វក់អរូបីដែលរារាំងរូបគេពីការប្រតិបត្តិសឡាតមុនពេលដែលគេមានភាពជ្រះស្អាត ហើយវាមិនមែនជាភាពកខ្វក់បែបរូបីដែលគេអាចមើលឃើញនោះទេ។
ទឹកស្អាត
ហាហ្ទាសត្រូវបានបំបាត់នៅពេលអ្នកមូស្លីមយកទឹកវូហ្ទុ ឬក៏ងូតទឹកសម្អាតខ្លួនដោយទឹកស្អាត ហើយទឹកស្អាត គឺសំដៅលើទឹកដែលមិនលាយឡំជាមួយនិងភាពកខ្វក់(ណាជិស)ដែលប៉ះពាល់ធ្វើឲ្យប្រែប្រួលពណ៌ រសជាតិ ឬក៏ក្លិនរបស់ទឹកនោះ។
គេបែងចែកហាហ្ទាសជាពីរប្រភេទ
- ហាហ្ទាសតូច៖ អ្នកមូស្លីមចាំបាច់ត្រូវយកទឹកវូហ្ទុដើម្បីបំបាត់ហាហ្ទាសនេះអំពីខ្លួនរបស់គេ។
- ហាហ្ទាសធំ៖ អ្នកមូស្លីមចាំបាច់ត្រូវងូតទឹកសម្អាតខ្លួនដោយបន្សព្វទឹកពេញខ្លួនទាំងមូលដើម្បីបំបាត់ហាហ្ទាសនេះអំពីខ្លួនរបស់គេ។
ហាហ្ទាសតូច និងការយកទឹកវូហ្ទុ
នៅពេលដែលអ្នកមូស្លីមមានហាហ្ទាសតូច ចាំបាច់លើគេត្រូវយកទឹកវូហ្ទុដើម្បីសឡាត ហើយក្នុងចំណោមរូបភាពនៃការមានហាហ្ទាសតូច(ឬប្រការដែលនាំឲ្យដាច់ទឹកវូហ្ទុ)មានដូចជា៖
៤. បាត់បង់ស្មារតីដោយសារដេកលក់ ឆ្កួត សន្លប់ ឬស្រវឹង។
